«Барселона» Алварес трансфери бўйича дедлайн белгилади - манба

«Барселона» раҳбарияти «Атлетико» ҳужумчиси Хулиан Алварес трансферини якунлаш учун сўнгги муддатни белгилади.

Marca нашрининг хабар беришича, агар келишув 31 июлга қадар амалга ошмаса, каталонияликлар ҳужум чизиғини кучайтиришнинг бошқа вариантларига ўтади.

Аввалроқ клуб президенти Жоан Лапорта «Барселона»нинг таклифи абадий кутиб турмаслигини таъкидлаган эди. Энди эса клубнинг позицияси янада аниқлашди — июл ойи 26 ёшли Алварес бўйича қарор қабул қилиниши учун охирги муддат ҳисобланади. Агар шу вақт ичида вазият ўзгармаса, каталонияликлар аргентиналик футболчи учун курашни тўхтатиб, бошқа номзодларга эътибор қаратади.

Ўтган мавсум Хулиан барча турнирларда 49 та ўйинда иштирок этиб, 20 та гол ва 10 та голли узатма муаллифи бўлди.