“Barselona” rahbariyati “Atletiko” hujumchisi Xulian Alvares transferini yakunlash uchun so‘nggi muddatni belgiladi.
Marca nashrining xabar berishicha, agar kelishuv 31 iyulga qadar amalga oshmasa, kataloniyaliklar hujum chizig‘ini kuchaytirishning boshqa variantlariga o‘tadi.
Avvalroq klub prezidenti Joan Laporta “Barselona”ning taklifi abadiy kutib turmasligini ta’kidlagan edi. Endi esa klubning pozitsiyasi yanada aniqlashdi — iyul oyi 26 yoshli Alvares bo‘yicha qaror qabul qilinishi uchun oxirgi muddat hisoblanadi. Agar shu vaqt ichida vaziyat o‘zgarmasa, kataloniyaliklar argentinalik futbolchi uchun kurashni to‘xtatib, boshqa nomzodlarga e’tibor qaratadi.
O‘tgan mavsum Xulian barcha turnirlarda 49 ta o‘yinda ishtirok etib, 20 ta gol va 10 ta golli uzatma muallifi bo‘ldi.
Muxlislar bu yangilikni Telegram’da muhokama qilmoqda
Izohlar Telegram’da ochiladi