«Барселона»нинг собиқ бош мураббийи Хави келажакдаги режалари ҳақида гапирди.
«Менинг кейинги қадамим миллий жамоа бўлиши мумкин. Бу менга мос келади. Айнан шуни истамоқдаман. Менинг оилам ва кичик фарзандларим бор. Клубда ишлаш эса улар билан етарлича вақт ўтказиш имконини бермайди. Бу ҳақда очиқ гапира оламан.
Мураббий сифатида жаҳон чемпионати, Европа чемпионати, Африка миллатлар кубоги ёки Осиё кубогида иштирок этишни истайман», — деди Хави RNE Audio'га берган интервюсида.
Хави 2024 йилда икки ярим йиллик фаолиятидан сўнг «Барселона» бош мураббийлигидан озод этилган эди. Унинг қўл остида каталонияликлар Испания чемпионлиги ва Испания Суперкубогини қўлга киритишган.
