Аргентина миллий жамоаси бош мураббийи Лионел Скалони Испания терма жамоаси вингери Ламин Ямал ҳақида илиқ фикр билдирди.
«Шуни айтишим керакки, Ламин аллақачон футболнинг меросига айланган. У ажойиб ўйнайди. Келажакда Испанияга жуда кўп қувонч улашади. Фақат бу якшанба куни эмас, деб умид қиламан», — деди Скалони.
Аргентина ва Испания ўртасидаги ЖЧ–2026 финали 19 июл куни АҚШнинг «МеtLifе» стадионида бўлиб ўтади. Баҳсда амалдаги жаҳон чемпиони Аргентина кетма-кет иккинчи бор чемпионликни қўлга киритишга уринади, Испания эса ўз тарихидаги иккинчи жаҳон чемпионлигини нишонга олади.
Эслатиб ўтамиз, 18 ёшли Ламин Ямал ЖЧ–2026 давомида Испания миллий жамоасининг асосий етакчиларидан бирига айланди ва жамоасининг финалгача етиб келишида муҳим рол ўйнади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади