«Рома» клуби ҳимоячи Жанлука Манчини билан тузилган шартнома 2029 йилгача узайтирилганини расман эълон қилди.
Италиялик 30 ёшли футболчи 2019 йилда Рим клуби сафига қўшилган. Шундан буён у барча турнирлар доирасида 319 та учрашувда иштирок этиб, 23 та гол ва 13 та голли узатмага муаллифлик қилган.
Ўтган мавсум якунларига кўра, «Рома» А Серияда 73 очко жамғариб, мусобақани 3-ўринда тугатди ва 2026/2027 йилги мавсум учун Чемпионлар лигаси йўлланмасини қўлга киритди.
Шунингдек, римликлар Италия кубогида 1/8 финалгача етиб боришди. Ушбу босқичда жамоа «Торино»га 2:3 ҳисобида мағлуб бўлиб, турнир билан хайрлашган эди.
