«Челси» ёзги трансфер ойнасида 11 нафар футболчи билан хайрлашишга тайёр.
Тhe Athletic хабарига кўра, Лондон клуби сотилиши мумкин бўлган футболчилар учун трансфер нархларини белгилаб чиққан.
Клуб «Астон Вилла» қизиқиш билдираётган ҳужумчи Николас Жексонни 65 миллион фунт стерлинг эвазига қўйиб юборишга тайёр. Шунингдек, ҳужумчилар Марк Гиу ва Лиам Делап ҳам жамоани тарк этиши мумкин. Испаниялик футболчи учун 25 миллион фунт талаб қилинмоқда, Делап бўйича эса якуний нарх ҳали белгиланмаган.
Бундан ташқари, «Челси» Алеҳандро Гарначони 50 миллион фунт, Бенуа Бадиашил, Аксел Дисаси, Филип Йоргенсен, Габриел Слонина ва Трево Чалобани эса 35 миллион фунт стерлинг эвазига сотишга тайёр.
Манбага кўра, клуб Энцо Фернандес бўйича 120 миллион фунт, Мало Гюсто учун эса 75 миллион фунт стерлинг миқдорида таклиф тушса, уларни ҳам трансфер қилиш имкониятини кўриб чиқади.
