КОНМЕБОЛ президенти Алехандро Домингес 2030 йилги жаҳон чемпионатида иштирокчилар сони 64 тани ташкил этишини маълум қилди.
Унинг айтишича, мусобақани кенгайтириш таклифи турнирнинг 100 йиллик юбилейи муносабати билан илгари сурилган. Айни пайтда бу масала ФИФА томонидан кўриб чиқилиши кутилмоқда.
Маълумки, 2030 йилги мундиал тарихдаги энг ноодатий мусобақалардан бири бўлади. Турнирнинг очилиш учрашувлари жаҳон чемпионатининг 100 йиллиги шарафига Аргентина, Уругвай ва Парагвайда ўтказилади. Қолган барча ўйинлар эса Испания, Португалия ва Марокаш майдонларида бўлиб ўтади.
Эслатиб ўтамиз, ҳозирча FIFA расман 2030 йилги жаҳон чемпионати формати ўзгарганини тасдиқламаган. Амалдаги режага кўра, турнир 48 та жамоа иштирокида ўтказилиши белгиланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади