«Милан» ҳужумчиси Рафаэл Леау фаолиятини Туркияда давом эттириши мумкин.
Журналист Бурхан Жан Терзининг маълум қилишича, «Галатасарой» португалиялик 27 ёшли футболчига расмий таклиф билан чиққан. Ҳозирда Леау ушбу вариантни жиддий кўриб чиқмоқда. Ўз атрофидагилари билан Истанбулга кўчиб ўтиш эҳтимолини муҳокама қиляпти.
Жаҳон чемпионати бошланишидан олдин Леау «Милан»ни тарк этиб, бошқа чемпионатда ўз кучини синаб кўриш истаги борлигини очиқ айтган эди.
Transfermarkt маълумотига кўра, унинг бозор қиймати 50 миллион еврога баҳоланмоқда.
Эслатиб ўтамиз, «Галатасарой» ўтган мавсум Туркия Суперлигаси чемпиони бўлиб, мусобақа жадвалида «Фенербаҳче»ни уч очкога ортда қолдирган.
