Бу ҳақда A Spor нашри ўзининг X тармоғидаги саҳифасида хабар берган.
Англиянинг «Ливерпул» клуби собиқ футболчиси Муҳаммад Салоҳ «Бешиктош» билан илк учрашувни ўтказди. Айтилишича, барчаси ижобий руҳда ўтган. Турк клуби 34 ёшли мисрликка яна 1 йилга узайтириш имконияти билан 1 йиллик шартнома таклиф қилган. Йиллик маош — 12 млн евро.
Аввалроқ Салоҳ 2025 йилда янги битим имзолаганидан сўнг «Ливерпул» тарихидаги энг кўп маош олувчи футболчига айлангани хабар берилганди. Мисрлик футболчининг йиллик маоши 20,8 млн фунт (24,5 млн евро)ни ташкил қилган.
41 ўйинда 12 та гол ва 10 та ассист билан ўтган мавсумни якунлаган Салоҳ инглиз клубини тарк этди.
Transfermarkt портали футболчининг актуал трансфер нархини 22 млн еврога баҳоламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади