«Арсенал» вингери Леандро Троссар фаолиятини Туркия Суперлигасида давом эттиришга розилик берди. Бу ҳақда таниқли инсайдер Фабрицио Романо хабар берди.
Манбага кўра, белгиялик 31 ёшли футболчи «Бешиктош»га ўтишга розилик берган. Футболчи тез орада Истанбулга етиб бориб, тиббий кўрикдан ўтиши ва янги клуби билан шартнома имзолаши кутилмоқда.
Аввалроқ «Бешиктош» ўтган ҳафтаёқ Троссар бўйича «Арсенал» билан трансфер бўйича келишувга эришган эди. Битим қиймати 18 миллион евро кафолатланган тўлов ва қўшимча 2 миллион евро бонуслардан иборат бўлади.
