«Марсел» вингери Мэйсон Гринвуд фаолиятини Туркияда давом эттиради. Бу ҳақда инсайдер Фабрицио Романо хабар қилди.
Манбага кўра, «Фенербаҳче» англиялик 24 ёшли футболчининг трансфери бўйича «Марсел» билан келишувга эришган.
Битим қиймати 40 миллион евро кафолатланган маблағ ва қўшимча 2 миллион евро бонуслардан иборат. Футболчи янги жамоаси билан 2030 йилнинг ёзига қадар шартнома имзолайди. Унинг йиллик маоши солиқлар тўланганидан кейин 10 миллион еврога тенг бўлади.
Шунингдек, Гринвуднинг собиқ клуби «Манчестер Юнайтед» ҳам ушбу трансфердан 10 миллион евродан ортиқ маблағ олади.
Маълумот ўрнида, «Марсел» 2024 йил ёзида Гринвудни «қизил иблислар»дан 26 миллион евро эвазига сотиб олганди. Ўтган мавсум у барча турнирларда 45 та учрашувда майдонга тушиб, 26 гол урди ва 11 ассист амалга оширди.
