«Кристал Пэлас» ҳужумчиси Жан-Филипп Матета фаолиятини Туркия чемпионатида давом эттириши мумкин.
A Spor нашри хабарига кўра, франциялик 29 ёшли форварднинг хизматлари «Фенербаҳче»га таклиф қилинган.
Манбага кўра, Истанбул клуби ҳужум чизиғини кучайтириш устида иш олиб бормоқда ва бир нечта вариантларни ўрганмоқда. Бироқ ҳозирча клубнинг асосий трансфер мақсадлари сифатида Серу Гирасси ҳамда Олли Уоткинс қолмоқда.
Айни пайтда «Фенербаҳче» Матета трансфери бўйича расмий таклиф билан чиқмаган.
Ўтган мавсумда у Англия Премер-лигасида 32 та учрашувда иштирок этиб, 12 та гол урган.
Transfermarkt маълумотига кўра, унинг бозор қиймати 30 миллион еврони ташкил этади.
