«Челси»нинг янги бош мураббийи Хаби Алонсо Лондон клубига тайинланганидан кейинги илк ҳис-туйғулари билан ўртоқлашди.
«Бу ажойиб туйғу. Аввало, бу мен учун катта шараф. Дунёдаги энг йирик клублардан бири, сўнгги ўн йилликларда улкан муваффақиятларга эришган жамоанинг бир қисми бўлиш — улкан имтиёз.
Энди олдинда турган синовларни интиқлик билан кутяпман. Ҳа, бизни қийин вазифалар кутмоқда, аммо айнан шундай чақириқлар футболнинг энг гўзал жиҳати ҳисобланади», — деди Алонсо клуб матбуот хизматига.
Эслатиб ўтамиз, Хаби Алонсо 1 июл куни расман «кўклар» бош мураббийи этиб тайинланди.
