Германия миллий жамоасининг собиқ футболчиси Лотар Маттеус «Бавария» аъзоси Майкл Олисенинг «Реал»га ўтиш истагини тушуниши, аммо Мюнхен клуби бундай трансферга ҳеч қачон рози бўлмаслигини айтди.
«Мен унинг «Реал»да ўйнаш истагини тўлиқ тушунаман. Деярли ҳар бир футболчи фаолиятининг маълум бир босқичида ушбу клуб шарафини ҳимоя қилишни орзу қилади. Лекин «Бавария» бу масалада ҳатто музокара ҳам олиб бормайди. Улар бу ҳақдаги сарлавҳаларни ўқиб, фақат кулишади, холос.
Менингча, Олисенинг келаси мавсумда «Реал» сафида ўйнаш эҳтимоли деярли нолга тенг. Аксинча, «Бавария» унинг шартномасини узайтиради ва маошини ҳам оширади», — деди Маттеус Bild нашрига берган интервюсида.
