«Бавария» клубининг афсонавий собиқ футболчиси Лотар Маттеус Майкл Олисенинг «Реал»га эҳтимолий ўтиши ҳақида ўз фикрларини билдирди.
«Шахсан мен унинг «Реал»да ўйнаш истагини тўғри тушунаман. Ҳар бир футболчи бир кун келиб «қироллик клуби»да тўп тепишни орзу қилади. Лекин «Бавария» бундай масалада ҳеч қандай музокара олиб бормайди, бу каби сарлавҳаларни кўриб фақат кулиб қўямиз.
Мен Олисенинг келаси мавсум «Реал»да ўйнаш эҳтимолини деярли нол деб баҳолайман. Менимча, «Бавария» у билан шартномани узайтиради ва маошини ҳам кўтаради», — деди Маттеус Bild нашрига берган интервюсида.
Аввалроқ «Бавария» Олисе учун камида 200 миллион евро талаб қилиши маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади