АҚШ миллий жамоаси бош мураббийи Маурисио Почеттино яқин кунларда ўз келажаги борасида қарор қабул қилишини маълум қилди.
«Биз вазиятни баҳолаяпмиз ва кейин нима бўлишини кузатяпмиз. АҚШ федерацияси менга фаолиятимни давом эттириш бўйича таклиф билан чиқди. Келаси ҳафта якуний қарорни қабул қиламиз», — деди Почеттино Cadena Cope нашрига берган интервюсида.
Шу ўринда мамлакат футбол федерацияси ҳам мураббий билан боғлиқ вазият борасида фикр билдирди.
«Ҳозир биз узоқ муддатли режаларни фаол муҳокама қиляпмиз ва жараён қандай кетаётганидан мамнунмиз», — дейилади хабарда.
Эслатиб ўтамиз, АҚШ миллий жамоаси жаҳон чемпионатидаги иштирокини 1/8 финалда Белгияга мағлуб бўлиб, турнирни тарк этди.
