«Манчестер Сити» яримҳимоячиси Фил Фоден «Милан»га ўтиши мумкин. Бу ҳақда SportMediaset нашри хабар бермоқда.
Манба маълумотига кўра, «россонери» англиялик 26 ёшли футболчини эҳтимолий трансфер сифатида кўриб чиқмоқда. Миланликлар унинг хизматларини қўлга киритиш учун аввал жамоа етакчиларидан бири Рафаэл Леауни сотиши керак бўлиши айтилмоқда.
Хабарда таъкидланишича, Фоденнинг номзоди бир вақтнинг ўзида бир нечта клубларга таклиф этилган.
Ўтган мавсумда Фоден барча турнирлар доирасида 50 та ўйинда майдонга тушди, 10 та гол урди ва 7 та голли пас берди.
Transfermarkt портали унинг бозор қийматини 70 миллион евро атрофида баҳоламоқда.
