«Бенфика» клуби колумбиялик ҳужумчи Жон Дуран билан шартнома имзолаганини расман эълон қилди.
Қайд этилишича, 22 ёшли футболчи 2026/27 йилги мавсум охиригача Лиссабон клубида ижара асосида тўп тепади. Шартномада уни кейинчалик тўлиқ сотиб олиш ҳуқуқи ҳам кўзда тутилган.
Маълум қилинишича, «Бенфика» ижара учун 6,1 миллион евро тўлайди. Футболчини тўлиқ трансфер қилиш опцияси эса 30 миллион еврога баҳоланган.
Дуран ўтган мавсумнинг иккинчи ярмини «Зенит» клубида ижарада ўтказди. Питерликлар либосида 9 та ўйинда майдонга тушиб, 2 та гол урди.
Эслатиб ўтамиз, Дуран ҳуқуқий жиҳатдан Саудия Арабистонининг «Ан Наср» клубига тегишли.
