2026 йилги жаҳон чемпионатида иштирокини 1/16 финал босқичида якунлаган Нидерландия миллий жамоаси мусобақа якунларига кўра Fair Play (ҳалол ўйин) мукофотига сазовор бўлди. Бу ҳақда FIFA расмий сайти орқали хабар берди.
Нидерландия футболчилари жаҳон чемпионатида кутилганидан анча паст натижа қайд этиб, плей-оффнинг биринчи босқичида Марокаш миллий жамоасига мағлуб бўлди. Асосий ва қўшимча вақт 1:1 ҳисобида якунланган бўлса, пеналтилар сериясида африкаликлар 3:2 ҳисобида ғалаба қозонди.
Қайд этиш лозим, «лолалар юрти» вакиллари турнир давомида ўтказган 4 та учрашувда атиги 3 марта сариқ карточка олди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади