Франция миллий жамоаси сардори Килиан Мбаппе Англияга қарши ЖЧ-2026 учинчи ўрин учун баҳсда жамоа сафидаги 90-ўйинини ўтказмоқда.
Мбаппе Франция миллий жамоасидаги дебютини 2017 йил март ойида ЖЧ саралаш босқичи доирасидаги Люксембургга қарши баҳсда нишонлаган.
У миллий жамоадаги илк голини эса 2017 йил 31 август куни киритган. Ўша пайтга келиб Мбаппе «Монако» билан Франция чемпионига айланган ва «ПСЖ» сафига кўчиб ўтган эди.
Орадан бир йил ўтиб, 2018 йилда Россияда ўтказилган жаҳон чемпионатида Мбаппе Франция миллий жамоаси билан жаҳон чемпионлигини қўлга киритди ва турнирнинг энг ёрқин юлдузларидан бирига айланди.
Эслатиб ўтамиз, Мбаппе Англияга қарши учинчи ўрин учун баҳсда дубл қайд этиб, мундиаллар тарихидаги энг яхши тўпурарга айланди ҳамда ЖЧ-2026 тўпурарлари пойгасида ҳам пешқадамликни мустаҳкамлади.
