Fransiya milliy jamoasi sardori Kilian Mbappe Angliyaga qarshi JCh-2026 uchinchi o‘rin uchun bahsda terma jamoa safidagi 90-o‘yinini o‘tkazmoqda.
Mbappe Fransiya milliy jamoasidagi debyutini 2017 yil mart oyida JCh saralash bosqichi doirasidagi Lyuksemburgga qarshi bahsda nishonlagan.
U milliy jamoadagi ilk golini esa 2017 yil 31 avgust kuni kiritgan. O‘sha paytga kelib Mbappe «Monako» bilan Fransiya chempioniga aylangan va «PSJ» safiga ko‘chib o‘tgan edi.
Oradan bir yil o‘tib, 2018 yilda Rossiyada o‘tkazilgan jahon chempionatida Mbappe Fransiya milliy jamoasi bilan jahon chempionligini qo‘lga kiritdi va turnirning eng yorqin yulduzlaridan biriga aylandi.
Eslatib o‘tamiz, Mbappe Angliyaga qarshi uchinchi o‘rin uchun bahsda dubl qayd etib, mundiallar tarixidagi eng yaxshi to‘purarga aylandi hamda JCh-2026 to‘purarlari poygasida ham peshqadamlikni mustahkamladi.
