Angliya milliy jamoasi hujumchisi Bukayo Saka JCh-2026 uchinchi o‘rin uchun Fransiyaga qarshi bahsda het-trik qayd etib, jamoasining 6:4 hisobidagi g‘alabasiga katta hissa qo‘shdi.
Shu tariqa, Saka Angliya milliy jamoasi tarixida jahon chempionati pley-off bosqichida xet-trik urgan atigi ikkinchi futbolchi bo‘ldi.
Bu natijaga undan avval faqat afsonaviy Jyeff Xerst erishgan edi. U 1966 yilgi jahon chempionati finalida Germaniya Federativ Respublikasiga qarshi bahsda uchta gol urgan va Angliyaga tarixdagi yagona jahon chempionligini taqdim etgan. O‘sha uchrashuvdagi eng bahsli epizodlardan biri — darvoza chizig‘ini kesib o‘tgan-o‘tmagani hanuz muhokama qilinadigan mashhur «fantom gol» ham aynan Xerst hisobiga yozilgandi.
Eslatib o‘tamiz, Angliya JCh-2026 uchinchi o‘rin uchun bahsda Fransiyani 6:4 hisobida mag‘lub etib, 1966 yildan buyon ilk bor jahon chempionatini medallar bilan yakunladi. Bukayo Saka esa bronza bahsida het-trik qayd etib, ushbu tarixiy muvaffaqiyatning bosh qahramonlaridan biriga aylandi.
