Англия миллий жамоаси ҳужумчиси Букайо Сака ЖЧ-2026 учинчи ўрин учун Францияга қарши баҳсда ҳет-трик қайд этиб, жамоасининг 6:4 ҳисобидаги ғалабасига катта ҳисса қўшди.
Шу тариқа, Сака Англия миллий жамоаси тарихида жаҳон чемпионати плей-офф босқичида ҳет-трик урган атиги иккинчи футболчи бўлди.
Бу натижага ундан аввал фақат афсонавий Жефф Херст эришган эди. У 1966 йилги жаҳон чемпионати финалида Германия Федератив Республикасига қарши баҳсда учта гол урган ва Англияга тарихдаги ягона жаҳон чемпионлигини тақдим этган. Ўша учрашувдаги энг баҳсли эпизодлардан бири — дарвоза чизиғини кесиб ўтган-ўтмагани ҳануз муҳокама қилинадиган машҳур «фантом гол» ҳам айнан Херст ҳисобига ёзилганди.
Эслатиб ўтамиз, Англия ЖЧ-2026 учинчи ўрин учун баҳсда Францияни 6:4 ҳисобида мағлуб этиб, 1966 йилдан буён илк бор жаҳон чемпионатини медаллар билан якунлади. Букайо Сака эса бронза баҳсида ҳет-трик қайд этиб, ушбу тарихий муваффақиятнинг бош қаҳрамонларидан бирига айланди.
