Франция миллий жамоаси ЖЧ-2026 учинчи ўрин учун Англияга қарши баҳснинг биринчи бўлимида тарихий антирекорд қайд этди.
Диде Дешам бошқарувидаги жамоа танаффусга қадар ўз дарвозасидан тўртта гол ўтказиб юборди. Шу тариқа французлар 1968 йилдан буён илк бор биринчи бўлимнинг ўзида шунча гол қўйиб юборди.
Бунга қадар сўнгги марта бундай ҳолат Евро-1968 саралаш босқичи доирасида Югославия миллий жамоасига қарши баҳсда кузатилган эди. Ўшанда Франция илк таймнинг ўзида тўртта гол ўтказиб юборган. Югославия эса кейинчалик Драган Жайич бошчилигида Европа чемпионати финалигача етиб борган.
Эслатиб ўтамиз, Англия ва Франция ўртасидаги ЖЧ-2026 учинчи ўрин учун баҳснинг иккинчи бўлимида инглизлар 4:2 ҳисобида олдинда бормоқда. Мундиал финалида эса 19 июл куни Аргентина ва Испания миллий жамоалари чемпионлик учун баҳс олиб боради.
