Франция миллий жамоаси вингери Майкл Олисе ЖЧ-2026 учинчи ўрин учун Англияга қарши баҳсда тарихий натижага эришди.
24 ёшли футболчи учрашувда голли узатма муаллифига айланди ва ушбу мундиалдаги ассистлари сонини 6 тага етказди.
Оptа статистик порталига кўра, Олисе шу тариқа Пелега тегишли рекордни такрорлади. Бразилиялик афсона 1970 йилги жаҳон чемпионатида ҳам битта мундиал давомида 6 та ассист қайд этган эди.
Қайд этилишича, ассистлар статистикаси 1966 йилдан буён юритиб келинади ва шу давр ичида бирор футболчи битта жаҳон чемпионатида бундан кўпроқ голли узатма амалга ошира олмаган.
Эслатиб ўтамиз, Англия ва Франция ўртасидаги ЖЧ-2026 учинчи ўрин учун баҳснинг иккинчи бўлимида инглизлар 4:2 ҳисобида олдинда бормоқда. Олисе эса турнир давомида Франция миллий жамоасининг энг самарали футболчиларидан бири бўлиб келмоқда.
