Fransiya milliy jamoasi vingeri Maykl Olise JCh-2026 uchinchi o‘rin uchun Angliyaga qarshi bahsda yana bir tarixiy natijaga erishdi.
24 yoshli futbolchi uchrashuvda ketma-ket ikkinchi golli uzatmasini amalga oshirdi va ushbu mundialdagi assistlari sonini 7 taga yetkazdi.
Opta statistik portaliga ko‘ra, Olise shu tariqa braziliyalik afsona Pelega tegishli rekordni yangiladi. Pele 1970 yilgi jahon chempionatida bitta turnir davomida 6 ta assist qayd etgan edi.
Qayd etilishicha, assistlar statistikasi 1966 yildan buyon yuritib kelinadi va Olise ushbu davr mobaynida bitta jahon chempionatida 7 ta golli uzatma amalga oshirgan ilk futbolchiga aylandi.
Eslatib o‘tamiz, Angliya va Fransiya o‘rtasidagi JCh-2026 uchinchi o‘rin uchun bahsning ikkinchi bo‘limida inglizlar 4:3 hisobida oldinda bormoqda. Olise esa turnirning eng sermahsul futbolchilaridan biri sifatida tarixiy rekord o‘rnatdi.
