Дортмунднинг «Боруссия» клуби ҳужумчиси Карим Адейеми «Барселона»га кўчиб ўтади. Германиялик футболчининг трансфери келаси ҳафта расман эълон қилиниши кутилмоқда.
Адейеми аллақачон Каталония клуби футболчилари ҳамда «кўк-анорранглилар» бош мураббийи Ҳанс-Дитер Флик билан учрашган. Қайд этилишича, 24 ёшли ҳужумчи тиббий кўрикдан ҳам муваффақиятли ўтган.
Шунингдек, «Барселона» ва «Боруссия» трансфер бўйича битимнинг сўнгги тафсилотларини ҳам келишиб олган. Маълумот ўрнида, «кўк-анорранглилар» ушбу трансфер учун 34 миллион евро тўлайди.
Шундан 26 миллион евро кафолатланган тўлов бўлса, қолган 8 миллион евро бонуслар кўринишида бўлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади