Машҳур британиялик телебошловчи Пирс Морган «Челси»нинг Морган Рожерс трансфери учун 117 миллион фунт стерлинг тўлаш қарорини кескин танқид қилди.
Аввалроқ лондонликлар «Астон Вилла» билан 23 ёшли яримҳимоячининг трансфери бўйича келишувга эришгани ҳақида хабарлар тарқалган эди. Агар битим расман якунланса, Рожерс тарихдаги энг қиммат инглиз футболчисига айланади. У шу пайтгача Эллиот Андерсонга тегишли бўлган 116 миллион фунтлик рекордни янгилайди.
«Арсенал» мухлиси сифатида танилган Морган ушбу трансфер нархини ҳаддан ташқари юқори деб баҳолади.
«Бу мутлақо бемаъни нарх. Бундай пулга мен Винисиус Жуниор ёки Хвича Кварацхелияни кутган бўлардим», — деб ёзди Морган.
Эслатиб ўтамиз, трансфер инсайдерлари Фабрисио Романо ва Девид Орнштейннинг хабарига кўра, Рожерс 20 июл куни тиббий кўрикдан ўтиб, «Челси» билан 6 йиллик шартнома имзолаши кутилмоқда.
