Ispaniya milliy jamoasi darvozaboni Unai Simon Portugaliyaga qarshi bo'lajak uchrashuv oldidan Krishtianu Ronaldu haqida o'z fikrlari bilan o'rtoqlashdi.
«Krishtianu olti yoki yetti yil avvalgi, «Real»da o'ynagan futbolchi emas. Ammo biz uni imkoni boricha jarima maydonimizdan uzoqroq ushlashga harakat qilishimiz kerak.
Millatlar ligasi finalida u to'pning qaytishidan foydalanib gol urgandi. Unda hali ham har qanday jamoa orzu qiladigan gol urishga bo'lgan chanqoqlik bor. To'pni nazorat qilishimiz va unga jarima maydonimizga yaqinlashish imkonini bermasligimiz lozim», — dedi u AS nashriga.
