«Manchester Siti»dan «Barselona»ga o‘tgan Rodri asosiy jamoadan alohida mashg‘ulot o‘tkazishda davom etmoqda.
Mundo Deportivo xabariga ko‘ra, ispaniyalik futbolchi ketma-ket ikkinchi kun individual dastur asosida shug‘ullangan. Shu sababli u La Liganing 1-turida «Elche»ga qarshi safar bahsi uchun qaydnomaga kiritilmasligi kutilmoqda.
Rodri jahon chempionatidan so‘ng ta’tilga chiqqan va «Manchester Siti»ga qaytganidan keyin ham «Barselona»ga transferi yakunlanayotgani sababli jamoa bilan mashg‘ulotlarda qatnashmagan. Shu bois kataloniyaliklar murabbiylar shtabi yangi futbolchini optimal sport formasiga bosqichma-bosqich olib kelishni rejalashtirmoqda.
Eslatib o‘tamiz, «Elche» — «Barselona» bahsi 23 avgust kuni bo‘lib o‘tadi.
