The Touchline Jijantes FC manbasiga tayanib xabar berishicha, «Barselona» himoyachisi Aleksandro Balde kataloniyaliklar safini tark etishga qaror qilgan. Futbolchining agenti Jorje Mendes 22 yoshli himoyachi uchun yangi klub izlamoqda.
Avvalroq Baldega Yevropaning bir qator klublari, jumladan, «Manchester Yunayted» qiziqish bildirayotgani haqida xabarlar tarqalgandi.
Balde va «Barselona» o‘rtasidagi amaldagi shartnoma 2028 yil yozigacha mo‘ljallangan. Transfermarkt futbolchining bozor qiymatini 50 million yevroga baholamoqda.
Eslatib o‘tamiz, «Barselona» yaqinda yarimhimoyachi Tommi Markesni «Braga»ga transfer qilgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi