Rodri "Barselona"ga rozilik berdi — manba

Rodri "Barselona" bilan shartnomaning moliyaviy shartlari bo‘yicha kelishuvga erishdi, deb xabar beradi Marca jurnalisti Matteo Moretto.

Manbaga ko‘ra, "Manchester Siti" yarim himoyachisi "Real"ning muzokaralarda keyingi qadamni tashlashini uzoq kutishdan charchagan. Kataloniyaliklar esa futbolchiga ingliz klubi bilan uning transferi bo‘yicha muzokara o‘tkazishga tayyor ekanini ma’lum qilgan. Yaqin soatlar ichida La Liga chempioni rasmiy ravishda "Manchester Siti" bilan bog‘lanadi.

Fabrice Hawkins ma’lumotiga ko‘ra, taxminan 60–70 million yevro miqdoridagi taklif "shahar aholisining" talablarini qondirish uchun yetarli bo‘lishi mumkin.

Jurnalistning ta’kidlashicha, Rodri "Real"dan ko‘ra "Barselona"ga o‘tishni afzal ko‘rmoqda. Bu haqida ham "Siti", ham Madrid klubi xabardor. 30 yoshli yarim himoyachi "Barselona"ning o‘yin uslubida o‘z salohiyatini to‘liq namoyon eta olishiga ishonadi.

Endi "ko‘k-anorranglilar" ushbu transferni amalga oshirish uchun zarur moliyaviy mablag‘ni topishlari kerak.