Superliga. Doriyevning chiroyli goli "Soʻgʻdiyona"ga "Andijon" ustidan gʻalaba keltirdi

Oʻzbekiston chempionatida ikkinchi davra bahslari start oldi.

16-turini boshlab bergan Zomindagi oʻyinda "Soʻgʻdiyona" Lyupcho Doriyevning chiroyli goli evaziga "Andijon" ustidan gʻalaba qozondi.

Makedoniyalik hujumchi mavsumdagi gollarini 12 taga yetkazib, toʻpurarligini mustahkamlab oldi.

Jizzax klubi qatorasiga ikkinchi gʻalaba orqali 18 ochko bilan 11-oʻringa koʻtarildi. "Andijon" esa 21 ochko bilan hozircha 8-pogʻonada qoldi.

Superliga. 16-tur
Soʻgʻdiyona — Andijon 1:0
6 avgust. Zomin. "Markaziy" stadion
Gol: Lyupcho Doriyev (77).
Soʻgʻdiyona — Milan Mitrovich, Zoir Juraboyev, Islom Qobilov, Behruz Jumayev (Shohjahon Sultonmurodov, 84), Petar Michin, Jamshid Boltaboyev, Javohir Qahramonov (Oybek Nurmatov, 65), Lyupcho Doriyev (Abdulaziz Abdurashidov, 84), Ollobergan Karimov, Igor Golban, Zabihillo Oʻrinboyev (Samandar Mavlonqulov, 46)
Andijon — Eldor Adhamov, Odil Abdumajidov, Aleksandre Andronikashvili (Damir Temirov, 88), Poʻlathoja Xoldorxonov (Doniyor Abdumannopov, 72), Humoyunmirzo Iminov (Dragan Cheran, 46), Aziz Turgʻunboyev (Hamidullo Karimov, 72), Islom Toʻxtaxoʻjayev, Usmonali Ismonaliyev, Muhammadkarim Toirov, Bekzod Sulaymonov (Shohmalik Komilov, 46), Mahmud Mahamadjonov.
Ogohlantirish: Behruz Jumayev (60).