"Real"ning 5 futbolchisi Mourinioning rejalardan oʻrin olmagan

"Real" jamoaning yangi bosh murabbiyi Joze Mourinioning rejalariga toʻgʻri kelmaydigan futbolchilar bilan xayrlashish uchun uchta transferni yakunlashga harakat qilmoqda. Bu haqda AS nashri xabar berdi.

Manbaga koʻra, Madrid klubi himoyachi Raul Asensio hamda hujum chizigʻi vakillari Gonsalo Garsiya va Franko Mastantuono bilan xayrlashishni rejalashtirmoqda.

Taʼkidlanishicha, Asensio vaziyatni oʻzgartirib, jamoada qolishni istamoqda, ammo bu variant amalga oshishi qiyin deb baholanmoqda. Uning agenti Jorje Mendesh himoyachi uchun yangi klub izlamoqda. Garsiya va Mastantuono esa yaqin kunlarda klubni tark etishlarini yaxshi bilishadi. Ispaniyalik forvard toʻliq transfer asosida ketadi, argentinalik vinger esa ijaraga beriladi.

Shuningdek, yarimhimoyachilar Brahim Dias va Eduardo Kamavinga ham portugaliyalik mutaxassisning kelasi mavsum uchun asosiy tarkib rejalariga kirmaydi. Biroq hozircha ularning kelajagi "Real" bilan bogʻliq boʻlib qolmoqda, chunki har ikki futbolchi ham asosiy tarkibdan joy olish uchun kurashish niyatida ekanini aniq bildirgan.