"Mets" va "Fortuna" (Sittard) jamoalari o'rtasidagi o'rtoqlik o'yini vaqtida hakam Matilda Demonse jarohat oldi.
Bellashuvning 39-daqiqasida futbolchilar o'rtasida ommaviy janjal kelib chiqdi. Bosh hakam sifatida ishlayotgan Demonse mojaro ishtirokchilarini ajratishga urindi, ammo tartibsizlik paytida maysaga yiqildi.
26 yoshli hakam bir necha daqiqa qo'lini ushlab, maydonda yotdi. Unga yordam berish uchun assistentlar, shifokorlar va xavfsizlik xizmati xodimlari yetib kelishdi.
O'yin davom ettirilganidan so'ng Demonse ma'lum vaqt laynsmen vazifasida ishlashni davom ettirdi, ammo tanaffusdan keyin maydonga qaytmadi.
Bahsdan keyin futbolchilar Demonsedan uzr so'rashdi, u esa stadionni "Mets" futbolkasida tark etdi.
Keyinroq ma'lum bo'lishicha, ayol hakamda yengil miya chayqalishi bo'lgan.
"Mets" — "Fortuna" o'rtoqlik o'yinida yuzaga kelgan janjalda ayol hakam jarohat oldi
Futbol
27 iyul, 09:35
Futbolchilarni ajratishga urinib, maydonga yiqilgan Matildada miya chayqalishi ro'y berdi.
Foto: Getty Images
Muxlislar bu yangilikni Telegram’da muhokama qilmoqda
Izohlar Telegram’da ochiladi