«Реал» жамоанинг янги бош мураббий Жозе Моуринионинг режаларига тўғри келмайдиган футболчилар билан хайрлашиш учун учта трансферни якунлашга ҳаракат қилмоқда. Бу ҳақда AS нашри хабар берди.
Манбага кўра, Мадрид клуби ҳимоячи Раул Асенсио ҳамда ҳужум чизиғи вакиллари Гонсало Гарсия ва Франко Мастантуоно билан хайрлашишни режалаштирмоқда.
Таъкидланишича, Асенсио вазиятни ўзгартириб, жамоада қолишни истамоқда, аммо бу вариант амалга ошиши қийин деб баҳоланмоқда. Унинг агенти Жорже Мендеш ҳимоячи учун янги клуб изламоқда. Гарсия ва Мастантуоно эса яқин кунларда клубни тарк этишларини яхши билишади. Испаниялик форвард тўлиқ трансфер асосида кетади, аргентиналик вингер эса ижарага берилади.
Шунингдек, яримҳимоячилар Браҳим Диас ва Эдуардо Камавинга ҳам португалиялик мутахассиснинг келаси мавсум учун асосий таркиб режаларига кирмайди. Бироқ ҳозирча уларнинг келажаги «Реал» билан боғлиқ бўлиб қолмоқда, чунки ҳар икки футболчи ҳам асосий таркибдан жой олиш учун курашиш ниятида эканини аниқ билдирган.
«Реал»нинг 5 футболчиси Моуринионинг режалардан ўрин олмаган
Футбол
27 июл, 08:28
Мадрид клуби бош мураббийга керак бўлмаган ўйинчиларнинг 3 нафари билан хайрлашишни режалаштирмоқда.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади