Романо ва Плеттенберг Диоаманденинг «Реал»га ўтиши ҳақидаги инсайдлар юзасидан ўзаро очиқ баҳсга киришди

Германиялик журналист Флориан Плеттенберг «Лейпциг» вингери Ян Диоманденинг «Реал»га эҳтимолий трансфери ҳақидаги хабарлар ортидан италиялик инсайдер Фабрицио Романо билан ижтимоий тармоқларда очиқ баҳсга киришди.

Флориан Плеттенберг:

«Диоманде ҳақида яна бир гап. Чунки вазият тобора кулгили тус олмоқда. Агар «Лейпциг» ва «Реал» ўртасида тўлиқ келишувга эришилган бўлса, унда трансфернинг аниқ қийматини ҳам айтиш мумкин эди, тўғрими? Аслида эса ҳали бундай келишув йўқ».

Фабрицио Романо:

«Хавотир олма. Диоманде худди Клопп Германияга қайтгани каби «Реал»га ўтади. Яхшиси, кечаги «Манчестер Сити» Диоманде учун 100 миллион евро таклиф қилгани ҳақидаги фэйк хабарингни сўра. Ваҳоланки, улар аллақачон бу курашдан чиққан, «Реал» эса музокараларни бошлаб бўлганди. Баъзилар бошқалар ҳақида гапиришни яхши кўради (ҳатто мени белгилашни ҳам эплолмайди 🤣), лекин аввал ўз хабарларингни текшириб ол, кейин мен ҳақимда гапир 🤗».

Флориан Плеттенберг:

«Хўш, ажойиб. Бизга «фэйк хабар» тарқатяпсизлар, деб айтиш орқали сен чегарадан ўтдинг. Бу мавзуда гапиришни истамагандим, аммо сенинг Клопп ҳақидаги «инсайд»инг кулгили ва ҳурматсизлик эди. Германия футбол иттифоқи (DFB) уни расман эълон қилганидан бир кун ўтиб сен «Here we go» деб ёздинг. Шартнома имзоланганини эълон қилдинг, аммо деярли бир ҳафта ўтди. Ростини айтсам, сен бундай қилмайсан, деб ўйлагандим. Буни истаган одам ёза оларди, чунки унинг Германия миллий жамоаси бош мураббийига айланиши аниқ эди. Сенинг инсайдинг ҳақиқий келишувларга эмас, тахминларга асосланганди.

Сен ёлғон «Here we go» хабарларини ўчириб ташлаётганингда ёки алгоритмлар учун ўйин тугамасидан аввал натижаларни эълон қилиб, беш дақиқа ўтиб Неймарнинг голи туфайли уларни ўчиришга мажбур бўлаётган экансан бироз босиқроқ бўлганинг яхши. Худди шу гап айрим хабарларда биринчи манбани кўрсатмаслигингга ҳам тегишли. Сен ўз ишингни қил, биз ўз ишимизни қиламиз. Аммо бошқаларни ёлғончиликда айблаш сенинг ҳолатингда анча ғалати эшитилади. Хайрли тун».

Фабрицио Романо:

«Аввал айбловни ўзинг бошлайсан, кейин эса чегарадан мен ўтдим, дейсан. Ҳеч бўлмаса энди мени белгилашни ўрганибсан 😂 жуда яхши. Балки бир неча йил аввалги менга ёзган хабарларингни ҳам чиқариб қўярман: «Қандай қилиб мен ҳам кўпроқ обуначи йиғсам бўлади?» ёки «Сенинг ишинг — мен учун мотивация». Энди эса менга ишимни қандай қилишни ўргатяпсан.

Лекин мен сенга ўхшаб мавзудан четга чиқмайман. Мен айнан Диоманде ҳақида жавоб бердим. Сенинг «Манчестер Сити» таклиф тайёрламоқда» деган твитингни назарда тутдим. Сен эса бошқа мавзуларга ўтиб кетдинг. 🤷🏼‍♂️

Шундай давом эт. Аммо яхшиси, «Энфилд»дагилардан 10-рақамли футболка ҳақида ҳам сўраб кўр. Ва эсда тут: бу циркни айнан сен Диоманденинг «Реал»га (100 фоиз) ўтиши ҳақидаги постинг билан бошлагансан. Бу — менинг сўнгги жавобим. Марҳамат, баҳра ол 🤗».

Аввалроқ Фабрицио Романо Ян Диоманденинг «Реал» футболчисига айланиши ҳақида инсайд тарқатган ди. Унга кўра, «Лейпциг» билан ивуарлик вингернинг трансфери бўйича келишувга эришилган бўлиб, битим қиймати 100 миллион евродан ошади.