“Real” Vinisiusga shart qo‘ydi

“Real” Vinisius Junior bilan shartnomani uzaytirish masalasini yana cho‘zish niyatida emas.

Marca xabariga ko‘ra, klub futbolchining atrofidagilarga yangi bitim bo‘yicha oxirgi taklif berilganini ma’lum qilgan.

Maoshni yana oshirish yoki yangi muzokaralar o‘tkazish rejalashtirilmagan. Madridliklar braziliyalik vinger uchun jamoada mavjud maosh tizimini o‘zgartirishni istamaydi.

Agar Vinisius taklifni rad etsa, klub shu yozda uni sotish variantini ko‘rib chiqadi. 26 yoshli futbolchining “Real” bilan amaldagi shartnomasi 2027 yilgacha amal qiladi.