“Real” Diomande transferini e'lon qildi

“Real” “Leyptsig” vingeri Yan Diomande transferini e'lon qildi.

Insayder Fabrizio Romanoning yozishicha, kelishuv qiymati 125 million yevroni tashkil etdi. Bu qiymat bonuslar hisobiga 140 million yevroga yetishi mumkin. Bu — Madrid klubi tarixidagi eng qimmat transfer.

Ivuarlik 19 yoshli futbolchi “qaymoqranglilar” bilan 6 yillik shartnoma imzoladi.

Ma'lumot uchun, Diomande o'tgan mavsumda Bundesligada 33 o'yinda 12 ta gol va 8 ta assistni o'z hisobiga yozdirib qo'ygan.

Vingerga La Liga begona emas. U 2024/25 yilgi mavsumda “Leganes”da harakat qilgan.