Portugaliya — Yevropadagi 18-raqib

Bugun Oʻzbekiston milliy jamoasi uchun tarixiy kun. Futbolchilar jahon chempionati 2-turida Portugaliyaga qarshi bellashadi.

Bu milliy jamoa uchun Yevropadagi 18-jamoaga aylanadi. Bunga qadar oʻzbekistonlik futbolchilar koʻhna qitʼaning 17 ta turli mamlakatlari bilan yashil maydonda kuch sinashishga ulgurgan.

Eng koʻp bor Ozarboyjonga qarshi toʻqnash kelingan – 10 marta. Qozogʻiston bilan 7 bor oʻynagan. Belarus esa 3 marta.

Ozarboyjon — 10 ta oʻyin
Qozogʻiston — 7 ta oʻyin
Belarus — 3 ta oʻyin
Gruziya va Ukraina — 2 tadan oʻyin
1 tadan oʻyin: Rossiya, Turkiya, Shvetsiya, Niderlandiya, Slovakiya, Latviya, Estoniya, Bosniya, Albaniya, Armaniston, Isroil va Chernogoriya.

Shu tariqa. Portugaliya biz uchun 18-jamoaga aylanadi va jahon chempionati guruh bosqichida roʻy beradi. Ushbu bahs Toshkent vaqti bilan soat 22:00da start oladi.