«Barselona» Chempionlar Ligasi doirasida Rotterdamning «Feyenoord» jamoasini 5:1 hisobida mag‘lub etdi.
Bu g‘alaba Pedrining «Barselona» safidagi yubiley o‘yinini nishonlash uchun ham ajoyib imkoniyat bo‘ldi. Ispaniyalik yarimhimoyachi barcha musobaqalar doirasida kataloniyaliklar safidagi 250-o‘yinini o‘tkazdi. «Barselona»ning rasmiy sayti ham futbolchining ushbu uchrashuvda klub safida 250-marta maydonga tushganini qayd etdi.
Pedri ushbu uchrashuvda jamoasining uchinchi goliga assistentlik qildi. Ikkinchi bo‘lim o‘rtalarida esa uning o‘rniga Mark Bernal maydonga tushdi.
Ma’lumot o‘rnida, Pedri «Barselona»dagi faoliyatini 2020 yilda boshlagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi