«Arsenal» bosh murabbiyi Mikel Arteta Chempionlar Ligasi doirasidagi «Napoli»ga qarshi (1:0) hisobidagi g‘alabadan so‘ng jamoasi o‘yini haqida fikr bildirdi.
«Bu mutlaqo munosib qo‘lga kiritilgan uch ochko. Balki natija o‘yindagi vaziyatni to‘liq aks ettirmayotgandir, chunki jamoa a’lo darajada harakat qildi.
Raqibni mag‘lub etish uchun ko‘p jihatlarda yuqori sifatli o‘yin namoyish etdik. Shuncha yaxshi imkoniyatlarni yaratib, ulardan foydalana olmaganimiz achinarli. Boshqa kuni natija boshqacha bo‘lishi ham mumkin edi.
Martin natijaga ta’sir qiladigan gollarni urmoqda, aynan shuni biz hujumchilarimizdan kutamiz.
U o‘yin taqdirini hal qilishi kerak edi va bugun ham, shubhasiz, buning uddasidan chiqdi», — dedi Arteta TNT Sports telekanaliga bergan intervyusida.
Muxlislar bu yangilikni Telegram’da muhokama qilmoqda
Izohlar Telegram’da ochiladi