«PSJ» bosh murabbiyi Luis Enrike Chempionlar Ligasi doirasidagi «Slovan»ga qarshi (6:1) hisobidagi g‘alabadan so‘ng o‘z fikrlarini bildirdi. Parijliklar ushbu uchrashuvda ishonchli g‘alabaga erishdi.
«Yagona salbiy jihat — o‘tkazib yuborilgan gol. Lekin umuman olganda, juda xursandman. O‘ylaymanki, hamma bu jamoaga ishonadi, ayniqsa mavsum davomida biz uchun oson bo‘lmagan pallalar bo‘lishini tushunadigan muxlislarimiz.
Shu bilan birga, biz bu yerda ekanimizni, bu bizning musobaqamiz ekanini va bu maqomni saqlab qolishni istashimizni ko‘rsatdik», — deya Enrikening so‘zlarini keltiradi «PSJ» rasmiy sayti.
Ma’lumot o‘rnida, «PSJ» Chempionlar Ligasidagi keyingi uchrashuvini «Manchester Siti»ga qarshi o‘tkazadi.
