«ПСЖ» бош мураббийи Луис Энрике Чемпионлар Лигаси доирасидаги «Слован»га қарши ўйин (6:1)дан сўнг ўз фикрларини билдирди.
«Ягона салбий жиҳат — ўтказиб юборилган гол. Лекин умуман олганда, жуда хурсандман. Ўйлайманки, ҳамма бу жамоага ишонади, айниқса мавсум давомида биз учун осон бўлмаган паллалар бўлишини тушунадиган мухлисларимиз.
Шу билан бирга, биз бу ерда эканимизни, бу бизнинг мусобақамиз эканини ва бу мақомни сақлаб қолишни исташимизни кўрсатдик», — дея Энрикенинг сўзларини келтиради «ПСЖ» расмий сайти.
Маълумот ўрнида, «ПСЖ» Чемпионлар Лигасидаги кейинги учрашувини «Манчестер Сити»га қарши ўтказади.
