«Атлетико» бош мураббийи Диего Симеоне Чемпионлар Лигаси доирасидаги «Ливерпул»га қарши 1:2 ҳисобидаги мағлубиятни изоҳлади.
«Ҳар доим шундай туюладики, агар иккинчи бўлимда биринчи бўлимдагидек ўйнамасанг, демак, жисмоний муаммолар бор. Биз эса шунчаки иккинчи бўлимда ёмон ўйнадик.
Ҳақиқат шуки, биз кўп гол ўтказиб юборяпмиз: бугун иккита, Билбаода учта, Севиляда битта... Бу жамоа ҳали шаклланиш жараёнида экани билан боғлиқ, кимгадир буни эшитиш ёқмаса ҳам. Биз ҳали кўп жиҳатларни тўғрилашимиз керак.
Биз мағлуб бўла бошлаганимиздан кейин алмаштиришларни амалга ошира бошладик. Бу бошқа ечимларни излаш эди, чунки иккинчи бўлимда бизда вазиятлар бўлмади.
Футболда айнан деталлар юқорида, ўртада ёки қуйида бўлишингни белгилаб беради. Мен бу деталларни тўғрилашим керак ва биз ишлашимиз зарур.
Жамоа ўзи ўйнаши керак бўлган ўйинни ўтказди, аммо иккинчи бўлимда вазиятни яхшироқ ўқий олишимиз керак эди.
Йигитлар бор кучини берди, яхши ўйин ўтказди ва ривожланиши керак. Биз хатоларни тўғрилашимиз зарур, мағлубият эса ижобий жиҳатларнинг барчасини йўққа чиқаради», — деди «Атлетико» бош мураббийи.
Мухлислар бу янгиликни Telegram’да муҳокама қилмоқда
Изоҳлар Telegram’да очилади