Mbappe toʻpsiz harakatlari borasidagi tanqidlarga munosabat bildirdi

“Real” hujumchisi Kilian Mbappe toʻpsiz harakatlari borasidagi tanqidlarga fikr bildirdi.

“Menimcha, tanqidlar normal holat emas, ammo yuqori darajada yillar davomida oʻynaydigan futbolchining hayoti shunday. Men yangi futbolchi emasman. Hamma mening nimalarga qodirligimni allaqachon biladi. Menimcha, bu yerda inson faktori ham oʻz taʼsirini koʻrsatadi.

Odamlar koʻpincha nima qilayotganingga emas, balki nima qilmayotganingga eʼtibor qaratishadi. Kimdir oʻn yil davomida biror ishni bajarib kelsa, uning oʻsha harakatlariga unchalik eʼtibor berilmaydi — hamma uning bunga qodirligini biladi. Shuning uchun odamlar doimo nima qilmayotganingni izlashga harakat qilishadi. Ammo shaxsan men buni qabul qilmayman”, — deya Mbappening soʻzlarini keltiradi LʻEquipe.