Portugaliya milliy jamoasi bosh murabbiyi Roberto Martines 41 yoshli hujumchi Krishtianu Ronalduning o‘yinini, mehnatini yuqori baholadi.
«Krishtianu bizning sardorimiz hisoblanadi. U jamoadagilar uchun o‘rnak. Ronaldu o‘zini ishga bag‘ishlaydi va milliy jamoaga yordam berishni istaydi. U har kuni kechagidan yaxshiroq bo‘lishga intiladi. U milliy jamoadan ketadimi? Biz hozir bu haqda o‘ylamayapmiz. Hozir bor e’tiborimiz mundialga qaratilgan», - deya bosh murabbiy so‘zlarini keltiradi ESPN.
Eslatib o‘tamiz, JCH–2026 11-iyundan 19-iyulgacha AQSH, Kanada va Meksikada bo‘lib o‘tadi.
Ma’lumot uchun, Portugaliya milliy jamoasi guruh bosqichida O‘zbekiston, Kolumbiya va Kongo DR bilan ro‘baro‘ keladi.
