Ispaniya milliy jamoasi bosh murabbiyi Luis de la Fuente Angliya milliy jamoasi yetakchisi Harri Keynning UYEFA Millatlar ligasining ochilish o‘yinida gol urilmagan o‘n bir metrlik zarbasi haqida fikrlari bilan o‘rtoqlashdi. Ma’lumot uchun, birinchi bo‘limdan keyin 1:2 hisobida ortda qolayotgan Ispaniya yakunda 3:2 hisobidagi irodali g‘alabaga erishdi.
«Nazarimda, muvozanatni tiklashni biz uchta juda xavfli vaziyatlarni yaratganimizda boshladik. Agar o‘sha penalti golga aylanganda ham, u unchalik ahamiyatga ega bo‘lmasdi. Chunki jamoa 1:3 hisobida ham xuddi shunday reaksiya bildirgan bo‘lardi. Raqib kuchli hujumga ega bo‘lsa ham, har doim gol uravermaydi», - deya de la Fuentening so‘zlaridan iqtibos keltiradi AS.
Eslatib o‘tamiz, Harri Keyn bellashuvning 54-daqiqasida hisob 2:1 bo‘lib turgan pallada inglizlar foydasiga belgilangan penaltidan gol ura olmadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi