«PSJ» futbolchisi Xvicha Kvaratsxeliya UEFA Chempionlar ligasi 2025/26 mavsumining eng yaxshi futbolchisi deb topildi.
Parij klubi finalda Londonning «Arsenal» jamoasini penaltilar seriyasida 4:3 hisobida mag‘lub etib, bosh sovrinni qo‘lga kiritdi. Asosiy vaqtda tomonlar 1:1 hisobida durang o‘ynadi.
Hal qiluvchi bahs Budapeshtdagi «Pushkash Arena» stadionida bo‘lib o‘tdi. Uchrashuvni germaniyalik hakam Daniel Zibert boshqarib bordi.
Kvaratsxeliya yakunlangan Chempionlar ligasi mavsumida 16 ta bahsda maydonga tushdi. U ushbu o‘yinlarda 10 ta gol urib, 6 ta assist muallifiga aylandi.
Shuningdek, «PSJ» tarixda ketma-ket ikki mavsum UEFA Chempionlar ligasida g‘olib chiqqan ikkinchi klubga aylandi.
Eslatib o‘tamiz, parijliklar o‘tgan yilgi finalda «Inter»ni 5:0 hisobida mag‘lub etgandi.
