«PSJ» hujumchisi Usmon Dembele UEFA Chempionlar ligasi finalidan keyin klub muxlislariga murojaat qildi.
Parijliklar hal qiluvchi bahsda «Arsenal»ni penaltilar seriyasida 4:3 hisobida mag‘lub etib, ketma-ket ikkinchi bor turnir g‘olibiga aylangandi.
Dembele esa jamoa endi uchinchi sovrin uchun ham kurashishini aytdi.
«Kelasi yil uchinchi kubok uchun qaytamiz! Qo‘llab-quvvatlaganingiz uchun barchangizga rahmat. Biz kelasi yil uchinchi sovrin uchun qaytamiz», — dedi fransiyalik futbolchi.
Eslatib o‘tamiz, Luis Enrike boshqaruvidagi «PSJ» o‘tgan mavsumda ham UEFA Chempionlar ligasi bosh sovrinini qo‘lga kiritgandi.
